Zongalo Quirico

Entrega dos carnets de biblioteca ao alumnado de 4º de EI

2012-01-23T22:44:00.002+01:00

Calendario 2012 do CEIP Recimil

2012-01-20T19:34:00.002+01:00

Open publication - Free publishing - More biblioteca

As propostas lectoras de Zongalo Quirico para este Nadal

2011-12-14T22:37:00.001+01:00

Open publication - Free publishing - More biblioteca

Zongalo Quirico presenta unhas lecturas moi divertidas. Se queredes vivir aventuras nestas vacacións de Nadal, só tedes que elexir algúns destes libros.
Boas festas e feliz ano 2012.
O voso galo.
ZQ.

Entrega de carnets e marcapáxinas ao alumnado de 5º curso de Educación Infantil

2011-11-13T19:51:00.006+01:00

Aquí tedes unha mostra dos momentos de entrega de carnets e marcapáxinas aos nov@s usuari@s da biblioteca de Zongalo.

2011-10-20T17:19:00.004+02:00

Ola raparig@s: estou novamente con todos vós co gallo do inicio do presente curso escolar para dicirvos que agardo a vosa visita xa que teño libros moi...pero que moi... interesantes na miña biblioteca. Aproveito para dicirvos que o horario de empréstito pecharase 5 minutiños antes de que soe a sirea de fin do recreo.

Sen máis, despídese o voso galo.

Moi boas lecturas!!!

GUÍA FERROL

2011-06-21T09:41:00.003+02:00

O pasado venres e o luns os rapaces e rapazas de terceiro ciclo saíron polas rúas de Ferrol. En grupiños pequenos tiñan que completar unhas preguntiñas nunha guía sobre Ferrol. Como foi esa saída? Só tedes que mirar estas imaxes.

CONTACONTOS

2011-06-21T09:35:00.003+02:00

O pasado venres tivemos con nós ao contacontos Inacio. Os raparigos e raparigas de 2º curso de Educación Primaria estiveron a rir coas fantásticas aventuras que o contacontos lles ía contando. Aquí tedes unha mostra.

TRÍPTICO VERÁN

2011-06-08T11:53:00.002+02:00

Zongalo Quirico presenta as súas recomendacións de lectura. Se queredes vivir grandes aventuras, abride o tríptico e.........A LER.

Open publication - Free publishing - More lectura

DÍA DO LIBRO

2011-04-15T17:21:00.008+02:00

Hoxe,no noso cole, foi un día moi especial. Celebramos o Día do Libro. Como?

Durante varias semanas estivemos a facer un libro viaxeiro. Comezamos cos rapaces e rapazas de 3 anos e rematamos cos máis maiores. Para ver todo o traballo rematado saimos ao patio, fomos lendo por cursos todo o libro, colocamos cada páxina nun expositor e logo cantamos a canción UN MILLÓN DE AMIGOS.

Tamén, Zongalo Quirico, agasallou aos premiados da actividade das fotos de Ferrol agochadas en diferentes libros.

Se queredes ver como foron eses momentos, aquí tedes unha mostra.

FEIRA DO LIBRO USADO

2011-04-05T12:07:00.005+02:00

Esta semana, na nosa biblioteca, estamos coa feira do libro usado. Os raparigos e raparigas están a trocar libros e revistas. Está a ser todo un éxito.

Saudiños e boas lecturas.

TERESA GONZÁLEZ COSTA

2011-03-29T12:57:00.004+02:00

Os raparigos e raparigas de 3º ciclo estiveron a ler o libro A filla do ladrón de bicicletas de Teresa González Costa. Zongalo Quirico tivo un agasallo para todos e todas. Que agasallo foi? Pois a visita da escritora. Onte, 28 de Marzo, Teresa fíxonos que o día foise moi especial, non só respondendo ás preguntas que o alumnado tiñan preparadas, senón tamén por esas rubricas que deixou en todos os seus libros. Moitas grazas TERESA.

CONTACONTOS RECIMIL

2011-03-21T16:45:00.004+01:00

Hoxe e o venres, 18 de Marzo, na nosa biblioteca, houbo uns contacontos do noso colexio. As nosas alumnas Milena e Jennifer de 5ºA estiveron a contar un conto aos nenos e nenas de 1ºA e 1ºB. Aquí tedes a imaxe de dito conto e tamén como foron eses momentos. Zongalo Quirico da as grazas a estas raparigas tan pero que tan simpáticas.

VIOLETA MONREAL

2011-03-18T21:29:00.007+01:00

Outra visita na nosa biblioteca. Zongalo Quirico estivo coa escritora e ilustradora, VIOLETA MONREAL. Os raparigos e raparigas de 2º ciclo non só leron e fixeron preguntas dos seus libros de Pamela Panamá, senón que aprenderon como duns papeis se poden facer cousas marabillosas. Alí estaba VIOLETA para ensinarnos.

Moitas grazas por eses momentos tan estupendos que pasamos o mércores, 16 de Marzo.

CONTACONTOS MARIO TOMÁS

2011-03-18T10:23:00.005+01:00

Mércores, 16 de Marzo, na nosa biblioteca tivemos a visita do contacontos, MARIO TOMÁS, para os raparigos e raparigas de 3,4 e 5 anos.Que ben o pasaron! Como se riron! Aquí tedes unha mostra deses fantásticos momentos.

BREC

2011-02-15T18:02:00.002+01:00

Un día máis, o grupo do BREC estivemos a comentar o libro Palabras de Caramelo. Fixemos un concurso e Zongalo Quirico deunos un agasallo.
Aquí estamos este grupiño tan pero que tan especial.

BREC

2011-02-02T11:18:00.003+01:00

Un curso máis, damos comezo ao clube de lectura. Este ano temos caras novas e outras que xa marcharon. Que mágoa!
Zongalo Quirico, propuxo a lectura do libro do escritor Gonzalo Moure "PALABRAS DE CARAMELO".
O día 15 de Febreiro teremos a segunda xuntanza para comentar e facer crítica das páxinas que foron marcadas para ler.

Quen será................ CARAMELO?

DESPISTADO ZONGALO QUIRICO

2011-01-20T11:17:00.002+01:00

Nas vacacións de Nadal, Zongalo Quirico, estivo a ler moitos libros da súa biblioteca. Nalgúns deses libros deixou olvidadas algunhas fotografías. Que despistado!!!!!! Non se lembra en que libros as deixou. A vosa mascota necesita a vosa axuda para atopar ditas fotos. Se sodes capaces de atopalas......... un agasallo recibirides.

ÁNIMO E A INVESTIGAR.

Zongalo Quirico di:

AXUDA, POR FAVOR!!!!!!!!!!!!!!!!

CONCURSO FOTOGRAFÍAS

2011-01-13T11:27:00.002+01:00

Se mirades ao lado da porta da biblioteca, Zongalo Quirico, montou unha exposición con todas as fotos de Ferrol mandadas no primeiro trimestre. De todas as fotos, algunhas foron premiadas. Imos ver cales son:

Premio para CLARA MIRANDA ANEIROS ( fotos nº 7 e 9).
Premio para BEATRIZ CASAL PREGO ( foto nº 10).
Premio para ESPERANZA MENÉNDEZ BERNAL ( foto nº 21).
Premio para CAROLINA REY NOGUEIRA ( fotos nº 36 e 39).
Premio para ESTRELLA Mª MILLOR PERMUY ( fotos nº 42, 44 e 48).
Premio para FÁTIMA PÉREZ GONZÁLEZ ( foto nº 84).
Premio para ALEJANDRO FERNÁNDEZ BELLAS ( foto nº 109).

NORABOA A TOD@S!!!!!!!!!!!

RECOMENDACIÓNS NADAL

2010-12-20T23:24:00.002+01:00

Para rematar o trimestre, Zongalo Quirico, quere deixar unhas boas pero que moi boas lecturas. Entrade nelas e estade preparados e preparadas para un mundo MÁXICO cheo de aventuras.

BO NADAL!!!!!!!!!.

Open publication - Free publishing - More news

FOTOS E MÁIS FOTOS

2010-12-10T18:12:00.005+01:00

Aquí tedes algúns deses momentos de contacontos e dos nosos e nosas BRUXOS E BRUXAS.

CONTACONTOS E BRUXAS E BRUXOS

2010-11-30T22:36:00.002+01:00

Dende o pasado venres, na biblioteca os rapaces e rapazas de quinto están a contar contos aos máis pequerrechos. Estes son os contos:
- 3 anos: O lobo e os sete cabritos.
- 4 anos: O libro da selva.
- 5 anos: Os Bolechas teñen unha curmá.
- 1º: O lobo Florindo.
Esta actividade durará ata as vacacións.
Moi pronto teredes fotos destes momentos tan máxicos.

Zongalo Quirico avisa da existencia na súa biblioteca duns bruxos e bruxas. Tede coidado con eles e con elas xa que son capaces de botarnos un meigallo.

QUE MEDO!!!!!!!!!!!!!!!!!

CARNET DE LECTOR OU LECTORA

2010-11-03T09:25:00.008+01:00

O pasado xoves, os rapaces e rapazas de 4 anos, foron visitar a Zongalo Quirico á biblioteca. Alí, a súa secretaria, explicoulles como se utilizaba unha biblioteca. Pero a sorpresa veu ao final. O noso galo, Zongalo Quirico tiña uns agasallos para todos nós. Entregounos un marcapáxinas e o máis importante, un carnet de lector/a. Agora xa somos grandiños, e con ese carnet xa podemos levar empréstitos da biblioteca. Canto nos tardaba............
Zongalo Quirico agarda a vosa visita.
Saudiños e boas lecturas.

RECITADO POESÍAS

2010-11-03T09:18:00.005+01:00

O mércores, 27 de Outubro, un grupiño de 2ºA, 2ºB, 2ºC, 3ºA, 3ºB, 4ºB, 5ºA e 5ºB, foron recitar poesías de Carvalho Calero á capela do Centro Torrente Ballester.
O voso galo, Zongalo Quirico, está moi contento e abraiado. Que fantásticos poetas e poetisas temos no noso cole!!!!!!!! Moi pronto teredes unhas fotos destes momentos tan impresionantes.
Saudiños e boas lecturas.

CENTENARIO CARVALHO CALERO

2010-10-08T13:38:00.012+02:00

O voso galo, Zongalo Quirico, informa que o alumnado de 2º, 3º, 4º e 5º de Primaria están a preparar poesías do escritor Carvalho Calero. Ditas poesías recitaranse a finais de Outubro no centro Torrente Ballester. As poesías irán acompañadas dunha música.
Tedes ao lado da biblioteca, unha exposición sobre este escritor e tamén como era Ferrol no seu tempo. Seguro que levaredes unha sorpresa cando vexades algúns lugares da vosa cidade como foron cambiando ao longo do tempo.
ESTÁ MOI INTERESANTE. HAI UN LIBRO SOBRE AS PITAS QUE PODEREDES LER SE PASADES POR ALÍ.
SAUDIÑOS E BOAS LECTURAS.

FERROL

2010-10-08T13:28:00.003+02:00

Ola raparig@s. Que tal ese novo curso? O voso galo, Zongalo Quirico está un pouco canso. O curso pasado estivo a viaxar tanto, tanto, tanto......Este ano viaxará pola nosa cidade: FERROL.
Necesita a vosa axuda. Como............? Sacándolle fotos a Ferrol e logo entregalas no cole ou mandalas ao seguinte correo: normalizacionrecimil@gmail.com Estas fotos deberán levar un pé de páxina e nome voso. Faremos unha exposición con todas elas e daremos agasallos ás fotos máis interesantes.
Tedes de prazo ata o día 12 de Novembro.
Saudiños e moitas lecturas.

LECTURAS PARA O VERÁN

2010-06-14T12:00:00.004+02:00

Para rematar o curso escolar, o voso galo, Zongalo Quirico, recomenda unhas lecturas moi pero que moi interesantes. Botádelle unha ollada!

Open publication - Free publishing - More libros

VISITA DO BREC Á BIBLIOTECA CENTRAL

2010-06-04T09:07:00.002+02:00

O luns e o martes, os integrantes dos dous BREC visitamos a Biblioteca Central do noso concello. Fomos moi ben recibidos, onde nos explicaron a organización e funcionamento dunha biblioteca.
Unha vez rematada as explicacións estivemos ollando e lendo libros na sala infantil. Para rematar deronnos uns marcapáxinas de agasallo e animaronnos a ser socios e socias.

FOI UNHA SAÍDA ESTUPENDA

VISITA ABRAHAM CARREIRO

2010-05-26T10:13:00.002+02:00

Onte tivemos a visita no noso cole do escritor e ilustrador ABRAHAM CARREIRO. Aquí tedes unhas fotos deses momentos.

REVISTA ESCOLAR

2010-05-14T09:26:00.005+02:00

Aquí tedes o concurso que vai ir na revista escolar. Animádevos e xogade. Os cinco primeiros un agasallo recibirán. Só tedes que vir á biblioteca coas respostas axeitadas.

Open publication - Free publishing - More zongalo

CINE MULTICULTURALIDADE

2010-05-12T18:29:00.002+02:00

Desta vez, o noso galo, non nos trouxo libros das súas viaxes. Veu cargadiño cunhas películas que foron vistas na biblioteca as dúas semanas anteriores. As películas foron as seguintes:

- Educación Infantil: Kirikú y las bestias salvajes.
- Primeiro ciclo: Doraemon y el imperio maya.
- Segundo ciclo: Azur & Asmar.
- Terceiro ciclo. El viaje de Chihiro.

Saudiños.

FLOR

2010-04-28T12:12:00.005+02:00

A nosa fermosa flor, do Día do Libro, estaba un pouco murcha. Entón, Zongalo Quirico, botoulle unha pinga de auga e..........mirade como quedou.

Día do Libro

2010-04-24T17:00:00.004+02:00

O pasado venres 23 de abril celebramos no CEIP Recimil o Día do Libro. Tal e como organizaron os membros do Equipo de Biblioteca, no patio houbo xuntanza de profesorado e alumnado para ler diferentes respostas á pregunta "Para que les?", escritas en pétalos con moito color e que pasaron a formar parte dunha grande e alegre flor. Xa vexo que non vos faltan motivos para ler e iso ... encántame! E para poñerlle unha nota musical, toda a celebración estivo acompañada coa "Música Acuática de Haendel" e rematou coa primaveral canción "De Colores" que todos/as cantamos .

VISITA DANIEL NESQUENS

2010-04-20T21:28:00.002+02:00

Hoxe, tivemos a visita do escritor Daniel Nesquens. Deixounos abraiados co seu sentido do humor e a súa imaxinación para crear fermosas historias.
Zongalo Quirico da as grazas a este fantástico escritor pola súa visita ao noso cole.
Aquí deixamos unhas fotos.

GRAZAS DANIEL NESQUENS.

LÁMINAS MULTICULTURALIDADE

2010-03-29T23:05:00.002+02:00

Para rematar este trimestre, Zongalo Quirico, deixa unha fermosa exposición de láminas de distintos países. Aquí tedes unha mostra, pero se queredes vela máis amodiño, xa sabedes o que hai que facer..........

VISITALA!!!!!

FOTOS BREC

2010-03-23T12:59:00.003+01:00

Moito falamos do BREC, pero.......... faltaban caras. Pois aquí estamos os dous grupos.

BREC 2

2010-02-25T10:27:00.003+01:00

O martes tivemos xuntanza co clube 2. Falamos do noso libro pero tamén comentamos de facer a investigación mandada ao clube 1.
Houbo unha rapaza, Daniela de 5ºB, cunha aportación moi interesante. Trouxonos un dibuxo sobre o nome do clube, é dicir, BREC. Pasarémolo a cartolina para que se vexa mellor.
Isto está moi interesante.

Que clube o acadará antes?

Sorpresa, sorpresa.

BREC 1

2010-02-18T17:53:00.003+01:00

O clube de lectura xa ten un nome. Cal é?
BREC
Imos poñelo máis doado. Sería Biblioteca Recimil Club. Pero por non falar tanto............, nos quedaremos con BREC.
Hoxe tivemos xuntanza co BREC 1. Estivemos a contestar as preguntas relacionadas co libro La casa del árbol. Tamén nos mandaron facer un traballo de detectives. Seremos capaces de facelo? Nós cremos que por suposto. O próximo martes teremos xuntanza co BREC 2 e tamén terán que ser investigadores e investigadoras, xa que se trata de mirar que BREC remata antes de facer a investigación. O BREC 1 xa atopou cousiñas moi interesantes.

CLUBE DE LECTURA

2010-02-09T12:55:00.002+01:00

Hoxe tivemos a xuntanza co segundo clube de lectura. Zongalo Quirico, mandounos as seguintes tarefas:

1-Cubrir a ficha da páx. 7 do noso caderno de viaxe.

2- Recomendar un libro ao resto do clube.

3- Ler até a páx. 15.

Esta vez, o libro que imos ler é.......

Operación yogur.

CLUBE DE LECTURA

2010-02-05T17:06:00.005+01:00

Onte comezamos co primeiro clube de lectura. Este clube está formado por alumnado de 5ºA e 5ºB. Estivemos parolando e o noso galo xa nos mandou facer tres traballiños para a próxima xuntanza. Imos lembralos:
1-Recomendar un libro ao resto dos compañeiros e compañeiras.
2-Cubrir os datos do libro que imos a ler.
3- Ler ata a páxina 23. OLLO! Só ata esa páxina.

Pero cal é o libro que nos manda ler o noso galo, Zongalo Quirico?

LA CASA DEL ÁRBOL

CLUBE DE LECTURA

2010-01-26T12:42:00.002+01:00

Onte e máis hoxe tivemos unha xuntanza cos rapaces e rapazas de 5º curso.
O galo, Zongalo Quirico, presentoulles un clube de lectura. Houbo moit@s voluntari@s. Que sorpresiñas nos terá gardadas o noso galo? Teremos que agardar, xa que comezaremos co clube de lectura a vindeira semana. Xa vos iremos contando.

MOI BOAS LECTURAS.

GAÑADORES ZONGALO QUIRICO

2009-12-22T11:20:00.007+01:00

3º ciclo: Tania Mª Romalde Dopico e Arancha Palma Novo.

2º ciclo: Sara Graña Romero.

1º ciclo: Yahaira Vélez Vargas.

Educación Infantil: clase de 5 anos A.

Zongalo Quirico mostra os gañadores e gañadoras do concurso. Noraboa.

RECOMENDACIÓNS NADAL

2009-12-18T09:40:00.002+01:00

Zongalo Quirico recomenda unhas lecturas polas que poderedes viaxar a través dun mundo moi pero que moi interesante.
Boas lecturas e a........VIAXAR.

AGASALLOS ZONGALO QUIRICO

2009-12-17T12:45:00.002+01:00

O martes saberedes cales foron os gañadores ou gañadoras dos zongalos quiricos. Estade moi atentos.

VISITAS Á BIBLIOTECA E CONTACONTOS

2009-12-15T11:11:00.003+01:00

Neste trimestre fixemos dúas visitas á biblioteca: unha para ver e ler libros e outra para ver os obxectos dos distintos países.
Tamén os rapaces e rapazas de 5º curso fixeron de contacontos para Educación Infantil. Os contos foron os seguintes:

- A ratiña presumida para 3 anos.
- O parruliño feo para 4 anos.
- Rita e O mago de Oz para 5 anos.

Zongalo Quirico deixa unhas imaxes para lembrar estos momentos tan fantásticos.

MÁIS FOTOS MULTICULTURALIDADE

2009-12-15T10:21:00.001+01:00

Aquí van as fotos que faltaban.

FOTOS MULTICULTURALIDADE

2009-12-03T12:39:00.002+01:00

Aquí tedes algunhas das fotos vistas na biblioteca sobre o tema de multiculturalidade.

PORTA DE ENTRADA Á BIBLIOTECA

2009-11-10T16:48:00.005+01:00

Velaí tedes :
ZONGALO entrando na biblioteca do noso colexio!
Que experiencias traerá da súa viaxe polo mundo?
Consultando os libros podedes coñecer os países que visitou, as súas costumes , fauna , flora , cultura , folclore , linguas . . .
Grazas a Carmen Martín podemos disfrutar da súa arte.

BOAS LECTURAS E . . . . . . . . . . . BOA VIAXE !!!!!

ATENCIÓN!!!!

2009-10-28T22:02:00.004+01:00

Este curso, ZONGALO QUIRICO, marcha de……………VIAXE.
Que nos contará? Que lugares visitará?

Polo de agora, deixounos na biblioteca, dous cousiñas moi pero que moi interesantes:
- PRIMEIRA: un lote de libros no expositor relacionados con distintas partes do mundo. Dita exposición manterase ata mediados de Novembro.

- SEGUNDA: no mes de Novembro teremos unha exposición de obxectos de distintos países: España, Japón, Marruecos, Guatemala, Italia, Uruguay, China, Egipto,……..
OLLO!!!!!

No mes de Decembro, ZONGALO QUIRICO, fará unha selección dos debuxos que se están a facer en todas as aulas para poder marchar de viaxe. Neste mes saberedes quen son os gañadores ou gañadoras.

QUE SE LEVARÁ ZONGALO QUIRICO DE VIAXE??????
TEREMOS QUE………………………. AGARDAR.
VIAXAR, VIAXARÁ
E O MUNDO RECORRERÁ.

Saúdos e boas lecturas.

O Mural de Carmen

2009-09-26T16:19:00.001+02:00

A miña muller é a pintora Carmen Martín. Coñézoa desde hai 21 anos, polo que levo xa máis da metade da miña vida con ela. Así pois, eu son quen son grazas -ou por culpa de- Carmen. E ao revés.

A finais de Agosto, Carmen rematou o mural do noso CEIP Recimil, no que levaba traballando sen descanso desde Abril. Unha enorme superficie, repartida en dous espazos (corredor e escaleira) que engalanan a entrada á nova biblioteca do colexio. Un gran traballo, grazas ao cal este antigo colexio ferrolán xamais volverá a ser o mesmo.

Carmen é, como adoita dicirse, unha persoa "activa". Non é capaz de
estarse queda, incluso aínda que lle receiten repouso Carmen precisa erguerse e seguir traballando. Carmen pintou este mural, subida ás estadas, falando con profesores, nenos, pais, buscando libros, ilustradores, pensando mil ideas, proxectando en libretiñas, en láminas de cartolina e papel continuo, pintando, corrixindo, volvendo a pintar... o traballo final é impresionante, unha serie de andeis, con centos de libros e que responde a un programa reitor que trata diversa temas, desde o espazo, ao mar, os xoguetes, as
matemáticas, a literatura infantil... bautizouna como "A Biblioteca Máxica", porque é unha biblioteca pintada que maxicamente envolve á biblioteca real. Tamén na biblioteca real estará a pegada de Carmen
grazas ao "Teatrín de Carmovita" que presidía a Escola Aberta de Arte e doouse ao colexio.
En Outubro, ademais de PINTA[C], do primeiro aniversario do Hartismo e San
Lucas, inaugurarase oficialmente a nova Biblioteca do CEIP "Recimil" e será o momento no que lle presente ao mundo tamén a obra de Carmen.

Quixen escribir isto -interrompendo momentaneamente os meus labores
urxentes- para expresar en serio toda a miña profunda admiración por esta artista, humilde pero tan grande como o seu mural, coa que teño a fortuna de compartir a miña vida.

Aquí podedes ver unha galería cunha chea de fotos sobre o mural, incluidas as últimas e as que se tomarán durante a inauguración.

A nosa Biblioteca Máxica!

2009-08-29T16:48:00.004+02:00

O mural da biblioteca máxica xa está rematado! Parabéns para Carmen Martín! Sen lugar a dúbidas unha ARTISTA (así, con maiúsculas). Sóbranme razóns para comezar o novo curso escolar cheo de ledicia: reencontro coa comunidade escolar do colexio de Recimil (aínda que non podo negar que os nenos e nenas son os meus favoritos), máis espazo para a biblioteca e, por suposto, a súa nova situación nunha das entradas principais e tan chea de arte, libros e ... como non, maxia!
Estou desexando que chegue o mes de outubro para que ese espazo máxico se colme de vida co ir e vir dos nenos e as nenas do centro.
Moitas grazas a Carmen Martín pola contaxiosa ilusión e polo esforzo que empregou neste proxecto!

Segunda fase da Biblioteca Máxica

2009-07-31T19:54:00.001+02:00

Durante este mes de xullo, Carmen Martín non colleu vacacións: Pintura en Acción en Riazor, varias saídas máis a pintar... e tamén o comezo dos traballos da Segunda Fase do gran mural da biblioteca nova do CEIP "Recimil".

É dicir, retomou o traballo na Biblioteca Máxica. O traballo preliminar foi máis laborioso que na primeira fase que se realizou no corredor do colexio. Agora a pintura exténdese ao longo e ao alto do canón da escaleira, polo que foi colocado un sistema de estadas interconectadas que permite o acceso pero que resultan un pouco incómodos. Carmen-e eu mesmo - tivo que aprender a escalar a estrutura e a encaramarse sobre as estreitezas da estada a, por exemplo, seis metros de altura.

O desenvolvemento destes traballos previos á pintura do mural tivo varios pasos.

O primeiro foi dar unha pátina sobre o muro, cousa que Carmen puido completar en tan só un día.

Logo veu o marcado das liñas para os andeis, que por non ser algo especialmente "artístico" puiden asumir eu, co que contribuín ao mural co meu graíño de area. Moi de agradecer foi a axuda de Paco, o director, que nos conseguiu un nivel láser. Paco foi tamén o que marcou, coa axuda deste nivel láser, o andel de arriba de todo.

Tras o marcado e grazas á cinta de pintor, reencher os andeis puido facerse en tan só unha hora.

E por fin, tras estes traballos previos, Carmen ten abocetada toda a composición, previamente detallada -ao longo de varios días- nun dos seus cadernos de bocetos.

Logo, en pouco tempo, Carmen xa imprimou a superficie de todos os libros cun fondo branco, e ata lle deu tempo de abocetar os lombos e formas dos libros que están pechados.

Ademais, conseguiu acabar a primeira composición, que está adicada á Música.

Convidámosvos a visitar o mural. Tan só chamádenos ao 665 491 386 e concertaremos un día e unha hora para visitar os traballos en proceso e as partes xa rematadas.

A Biblioteca Máxica (II)

2009-07-06T01:33:00.001+02:00

Xa está preparada a andamiaxe da escaleira, e eu esta semana comezarei a ir ao cole a pintar, iniciando así a segunda fase do mural.

...Primeiro os fondos, claro.

Lecturas para o verán

2009-06-25T21:46:00.012+02:00

Aquí tedes unha selección de libros que podedes ler durante as vacacións de verán. Para escollelos contei, coma sempre, coa colaboración do equipo de Biblioteca e do equipo de Normalización e Dinamización Lingüística. BOAS LECTURAS e ata setembro ... na nova BIBLIOTECA!

Calvin quere beber

2009-06-18T13:57:00.001+02:00

Xa temos gañadora do concurso, o último do curso, para os profes. É Ana, de Ximnasia, que segundo ela mesma contou, percorreu todo o mural de punta a punta. Cando xa o daba por imposíbel reparou no cómic de Calvin e Hobbes que está no arranque da escaleira e viu a Calvin saíndo do colexio para beber auga na súa casa, ante a súa nai estupefacta.

Moitas felicidades!

Alicia atopou o chupete

2009-06-17T14:15:00.001+02:00

Tódolos días chegan nenos á Biblioteca Máxica na hora do recreo. Cada vez achéganse máis, uns pedindo que lles faga un debuxiño na man, outros para charlar un pouco comigo, outros para mirar, outros non sei para que... O caso é que os nenos deste cole son moi divertidos. Está mal que eu o diga, xa que tamén os meus filliños van a este cole, pero sempre que estou cos nenos "ao mogollón" sinto que son ben educados.

Claro, eles berran, porque son nenos, pero non é algo que me volva tola.

Onte a visita foi como cando abres unha billa e sae auga a esgalla. Ao soar a serea do recreo saíron todos a trote, buscando e preguntando onde estaba o chupete (do concurso). "Onde, onde está!" Ian daquí para alá, así un bo pedazo. De súpeto, mentres eu falaba cun neno, todos dicían: "Aquí! Aquí!" Xa se sabe como son os nenos, un o adiviña e todos os demáis repiten a mesma cantinela. Por fin, entre todos recoñeceron que a que primeiro o vira fora... Tachán!...

ALICIA, de 5ºB.

Non hai dúbida de que Alicia é unha grande observadora. Moitas Felicidades!

Agora só resta que os mestres atopen quen quere beber auga! (Os nenos tamén mo dixeron onte).

Concurso para profes e... propina!

2009-06-12T00:51:00.001+02:00

Rematando o curso, case rematada a primeira fase do mural, chegan os últimos concursos da Biblioteca Máxica. Aproveitade a oportunidade de participar!

O primeiro concurso é o que lles tocaba aos/ás profes. Esta é a pregunta:

Quen quere beber auga?

E como propina, facemos outro concurso para os nenos, que foron os máis participativos. E a pregunta para eles é esta outra:

Onde hai un chupete?

Sorte!

Xa hai (nai)... gañadora

2009-06-11T00:23:00.001+02:00

Hoxe chegoume por correo electrónico unha mensaxe da mai de Sabela, de 1ºB:

Son a nai de Sabela de 1ºB e penso que a cita e:

"Podrían engendrarse hijos educados si lo fuesen sus padres".

A frase é de Goethe e está xusto no estremo da Biblioteca Máxica que ten fondo azul e tema espacial.

¡Moitas felicidades!

Concurso para os pais

2009-06-08T19:13:00.001+02:00

Este venres chegou Candela, de 5ºA, case sen aire. Preguntoume: é un avión? a resposta, é un avión?

Pois si. E foise toda contenta, porque esa era a solución ao xogo desta vez, o dos nenos.

O premio foille entregado hoxe.

Candela tivo moito mérito xa que desta vez non enviamos unha circular para avisar do concurso. É dicir, que Candela visitou o blogue e a Biblioteca Máxica, e isto ponme moi contenta.

Eu aínda non sei se a escasez de comentarios é debida a que o blogue non funciona ben ou temos no noso cole moita vergoña ou preguiza para participar. De todos os xeitos eu non penso cambiar e propoño agora o seguinte concurso, este para os pais.

A pregunta é

"En que cita se fala de nós os pais?"

Lémbrovos que podedes entrar no cole, visitar a Biblioteca Máxica sen medo, que para iso se fai. Para ver e participar. Animádevos.

Concurso para nenos

2009-06-03T00:01:00.001+02:00

Nestas últimas semanas de clases
imos celebrar outra tanda de xogos:

un para nenos/nenas, outro para pais/nais
e o último para mestres/mestras.

Así que esta semana imos xa co primeiro
xogo, para os nenos. Aí vai a pista:

"Ten ás, e moitas patas,
móvese, e non é un animal"

Comentarios no blogue Zongalo Quirico máis doados

2009-06-02T10:30:00.001+02:00

Desde onte xa é posíbel comentar neste blogue sen ter que criar e utilizar unha conta de Google, o cal facilitará moito as cousas aos nenos e nenas e á xente que teña présa.

Como se fai?

Moi sinxelo:

Despois de pulsar sobre "comentarios", ao final de cada entrada, ábrese unha nova pantalla na que arriba de todo pon "Postar um comentário em: Zongalo Quirico"
Debaixo do cadro para inserir texto, aparece este cadriño:
nel, se xa temos unha conta de Google podemos encher os datos de usuario (nome de usuário) e contrasinal (senha). Pero se non é o caso, podemos escoller "Nome/URL", ou sexa:
Enchemos o campo "Nome" e pulsamos sobre "PUBLICAR COMENTÁRIO". E xa está:

Agardamos os vosos comentarios!

Concurso: gañadora das tres profes

2009-06-02T10:09:00.001+02:00

Constanza enviounos esta mensaxe:

SE EU FOSE MOI, MOI DELGADO, PODERÍA ENTRAR NA CASA POLO BURACO DA PECHADURA.

Saúdos

Constanza

Así que xa hai desempate. Constanza é a gañadora do xogo das profes na Biblioteca Máxica. O vindeiro concurso será de novo para os nenos. Estade atentos a este blogue, rapaces!

Quen gañou o concurso dos profes?

2009-05-28T20:35:00.001+02:00

Xa temos mestra gañadora do concurso. Chámase Sagrario, de 3ºA... díxomo esta mañá, no cole, diante do mural. Pero cando xa estaba pensando na entrega, entereime que Tucha, de Música, e Constanza, de 6ºA, tamén acertaran, e enviaran un correo electrónico ao meu enderezo hai seis días. A mensaxe pasoume desapercibida entre outras.

Agora véxome no trance de que non podo partir o premio en tres partes, así que despois de pensalo moito ocorréuseme unha idea: facer outro xogo para desempatar entre as tres.

Así que aí vai a pregunta para Tucha, Constanza e Sagrario:

Qué poderías facer se foses moi, moi delgado?

A resposta, nun debuxo da Biblioteca Máxica, como sempre.

A Biblioteca Máxica en Desde Galicia para el Mundo / Desde Galicia para o Mundo

2009-05-27T17:53:00.001+02:00

O Día das Letras Galegas a nosa Biblioteca Máxica apareceu na TV! Fixéranlle sendas entrevistas á nosa pintora Carmen Martín, unha en galego e outra en castelán, para o programa da TVG "Desde Galicia para o/el Mundo". Carmen falou no seu estudio pero tamén trouxo o equipo da tele a gravar no centro.

Así que a Biblioteca Máxica, e o noso cole, apareceron nos fogares de medio mundo!

Aquí tendes os vídeos:

Desde Galicia para o Mundo

(en gallego)

Desde Galicia para el Mundo

(en castellano)

Como surxiu a idea do mural

2009-05-27T13:49:00.001+02:00

Hai un tempo, un pai preguntou neste mesmo blogue como surxiu a idea da Biblioteca Máxica. Aproveitando a lembranza que me trouxo o pedaciño de tea do que falei antes, contareivos a historia.

A idea desta Biblioteca Máxica xurdiu cando estaba facendo un conto para o meu fillo José e os seus compañeiros do cole, na clase da maravillosa Cuca. Veume, de súpeto, a imaxe dunha biblioteca feita ao longo das paredes da escaleira do edificio onde están os nenos maiores. En canto xurdiu a idea non podía deixar de pensar nos beneficios de poder xuntar nunha "macroilustración" mundos pequenos, portas pequenas feitas entre todos dos contos que cada un quixera, nenos e maiores e todo tipo de contos, todo tipo de temas.

Logo falei con Zoraida, a orientadora do cole, xa que tiña máis confianza con ela e non lle pareceu tanta loucura como eu pensaba que lle parecería. Todo un alivio, tendo en conta que Zoraida é psicóloga.

Ela falou con Paco, o director, logo Paco e máis eu falamos máis en serio do proxecto. Aproveito aquí para felicitar a este home que se ilusiona con cousas como esta, e que dirixe, penso, tan, pero que tan ben.

Paco pensou que o mellor sitio para facer o mural sería non no lugar onde agora está a Biblioteca do centro (na parte nova) senón onde estará próximamente a verdadeira Biblioteca, aquí na entrada do cole.

A proposta levouse ao Consello Escolar e foi aprobada. Dalí a pouco comezamos a traballar, e o demáis xa o sabedes.

Os bocetos e a idea da que parte todo é moi sinxela: que os libros saian para fóra da nova biblioteca, e por iso chámase máxica, porque quedan aí colgados, nas paredes e subindo para arriba. Libros e máis libros feitos dalgunha maneira non só por min, senon entre todos.

O traballo divídese en dúas fases:

Desde Marzo até o Verán: corredor, no que serán os muros da Biblioteca no futuro.
Verán: escaleiras.

Esta división do traballo fíxose para estorbar o menos posíbel a vida cotiá do colexio. De feito buscamos un andamio con rodas precisamente para entorpecer o menos posíbel o paso das ringleiras de nenos. A andaimada da escaleira, a que será máis complicada e aparatosa montaráse por iso durante as vacacións. E decidimos facer a primeira fase durante o horario escolar para que este traballo puidera ser aproveitado polos mestres e mestras nas súas programacións, se así o desexaban.

Para o curso que ven xa non molestará o andamio nin eu, pero neste colexio que ten tanta historia ás súas costas haberá algo único: unha Biblioteca pintada que rebosa libros feitos por todos nós!

Un pedaciño de tea

2009-05-27T12:35:00.001+02:00

Onte, no fondo da miña carteira encontrei un pedaciño de tea. Este:

Un pouco machacado e sucio, xa despois de levar tanto tempo aí esquecido.

É curioso porque fíxome lembrar de onde saiu a Biblioteca Máxica. Agora que xa casi rematamos a primeira fase do mural. Este trapiño era unha mostra que tiña para saber a cor que me gustaba para o fondo da parte central do mural.

E aquí acabou ese trapiño, no fondo da miña carteira, aínda que serviu tanto para min. Que desconsiderada! Discúlpame, trapiño, é que con tantas cousas que hai no mundo, ás veces un non lembra de onde parten as cousas.

Non fagades caso disto último.

Novidades, 2009-05-20

2009-05-20T12:00:00.001+02:00

Peixes abisais, "El Libro de la Caca", letras chinas do libro de Yun Hui, unha serea, un libro sobre bichos e finalmente, os Ryman Rabbids, que quizá dentro duns anos algún dos nenos de hoxe explique aos seus fillos o que eran...

Aquí, todo.

Novo Xogo da Biblioteca Máxica, dirixido a PROFES!

2009-05-19T20:15:00.001+02:00

Despois dos dous primeiros xogos ou concursos da Biblioteca Máxica, que foron dirixidos, primeiro aos nenos e logo aos pais, tócalle o turno agora aos/ás PROFES!

A pregunta é moi sinxela:

Que lle di a cor vermella ás outras cores?

O mellor é que podedes xogar tanto mirando as fotos do mural en Internet como ollando para os debuxos reais da Biblioteca Máxica no cole.

Animádevos, porque como sempre, haberá un libro de regalo para quen gañe.

Por outra parte Zongalo Quirico quere lembrarvos aos/ás profes que aínda segue aberto o xogo "Contos con Arte" que se convocou hai uns meses, cando empezou isto da Biblioteca Máxica. Con este xogo os vosos alumnos e alumnas poden escribir unha historia que:

Ficará inmortalizada nos muros do colexio, na escaleira, cando se execute a 2ª etapa da Biblioteca Máxica (no verán).
Os seus contos "estarán ilustrados" por algunha das mellores obras de arte de toda a Historia: Bisontes de Altamira, Murais do Exipto antigo, Giotto, Quinten Massys, Caravaggio, Goya, Mary Cassat, Picasso e Lucian Freud! Aí queda iso!

Como participar? Aquí toda a información.

Novos aportes, 2009-05-18

2009-05-19T00:33:00.001+02:00

Este conto tróuxoo Alicia Portas, de 5ºB. Ten o seu estilo manga, tan característico nela. E o reservo para a parede da escaleira. Outro debuxo de nenas e gatos, tamén de Alicia, e un debuxo dos famosos RAYMAN RAVING, tan queridos polo nenos.

Ver todas

Consigue el tuyo

Unha bonequiña con gato da miña Rosalía e un debuxo de cabalos e nenos.

Dous contos de Marcos (5ºB) con ilustracións, moi chulos.

Silvia, de 6ºB, trouxo 2 follas con debuxos que segundo di son inventados por ela, moi graciosos.

Tamén, de 6ºB unha posta de sol, de Xela e Silvia.

E 4 libros que usan os máis pequenos e que me emprestou Esther, que sempre me empresta contos ben lindos:

Tener amigos es divertido
Te quiero, niña bonita
¿Seguro que crecerá?
Tito busca nariz (segundo parece, moi usado polos máis pequenos en Alternativa)

Finalmente, estes dous libriños noutros idiomas, que como sabedes son para representar tamén a todos os nenos que veñen doutros países:

Cuca conseguiume un libro en chinés. Ao parecer, necesitouse dun intérprete para chegar a explicar o que necesitábamos. A Cuca, e ao pai de Yun Hui doulles as grazas.
E este libriño de O Principiño, pero en árabe, menuda maravilla! Grazas, Lorena, por facilitar tanto o traballo.

Este enlace lévanos ás fotos destes aportes.

Contos con Arte - 3ºA

2009-05-18T22:40:00.001+02:00

Eu pensaba que aquela proposta que fixera hai meses de que cada curso fixera algo, debuxos, contos, poesía, etc, a partir dunha imaxe dun período da historia da arte xa estaba esquecida. Pero, parece que algúns cursos si a tiveron en conta. Esta semana veu Laly, profesora de 3ºA á Biblioteca Máxica e entregoume dúas historias baseadas no gravado de Goya "Brabísimo".

Ela seleccionou dous textos que son preciosos, para que eu escollera o definitivo, pero xa que traballaron tan ben penso que os dous merecen ser inmortalizados no mural.

Os demais grupos e cursos tamén están a tempo de traer historias sobre a imaxe que lles toque, para participar neste xogo. A parte dos "Contos con arte" aínda será engadida no verán, na 2ª fase do mural.

Pode parecer que este xogo é máis traballoso do que en realidade é. Todo depende de como se plantexe. Vai compensar ver os traballos dos nenos postos na parede, animádevos!

A propósito, moitas grazas, Laly.

Nota: por se queredes refrescar a memoria sobre o xogo proposto para todos os cursos do cole, aquí tedes as instruccións sobre como participar.

Libros noutros idiomas

2009-05-15T18:34:00.001+02:00

Xa que neste cole temos a sorte de convivir con xente de distintas nacionalidades, pensei que estaría ben incluír libros na Biblioteca Máxica de todos estes países. Eu coñezo nenos de China, Marrocos, Venezuela, Brasil, outros países de sudamérica...

Que tal se me facilitades algún libro noutros idiomas? Sería como un regalo para eles e para nós.

Se eres doutro país ou coñeces algún neno que o sexa, por que non llo dis?

Os libros de Margarita

2009-05-12T15:33:00.001+02:00

Hai dúas semanas, Margarita, alumna da Escola Aberta de Arte, que codirixo, trouxo ao cole esta mochila de tesouros: un feixe de libros infantís, dela e das súas nenas, que levo todo este tempo mirando con agarimo.

Agora teño que buscar un sitio aos que quero poñer, porque xa van quedando poucos ocos!

Galería con TODAS AS FOTOS da Biblioteca Máxica

2009-05-12T13:40:00.000+02:00

Nestes tres meses de traballo no mural houbo moito traballo. Sobre todo traballo de pintura, tanto de brocha grosa como fina... pero tamén os aportes dos nenos e maiores: historias, debuxos, libros recomendados...

Estes días xuntamos nun só lugar todo o traballo feito ata agora... ben, en realidade non todo o traballo, porque Carmen vai todos os días alí a mañá enteira. Pero sí todas as fotos que temos deste traballo.

Aquí están as tres galerías:

Aquí unha presentación da primeira:

Ver todas

Consigue el tuyo

Xa hai gañadora para o concurso da Biblioteca Máxica

2009-05-08T21:23:00.001+02:00

Hoxe, aínda que con moito retraso, comunicámosvos que xa hai gañadora para o concurso da Biblioteca Máxica adicado aos pais. É a nai de Alicia, de 5º B. Como dato curioso, teño que vos explicar que deu coa resposta correcta desde a súa casa, grazas ás fotos presentes neste blogue e nas galerías de Picasa sobre o mural.

Así que xa foi atopada a "Cynara Cardunculus".

Sempre procuramos que as fotos coa resposta das preguntas do mural estean en Internet, precisamente para que sexa posíbel participar por Internet.

Tras unha conversa cunha nai, que entendera mal de que ia todo isto, quixera lembrar que os concursos que facemos na Biblioteca Máxica, dirixidos alternativamente a nenos, pais e profes, están pensados para estimular a ver o contido -sobre todo o máis miúdo- da Biblioteca e de paso xogar e ver libros. Serven para achegarse e talvez animar tanto a nenos como adultos a participar en construír este grande proxecto, tanto véndo o mural como debuxando, escribindo, ou simplemente dando ideas. Quixera tamén lembrar que o mural e o anticipo do que será a nova biblioteca do CEIP Recimil, que vai ser unha referencia central na actividade do centro cando sexa trasladada á súa ubicación definitiva.

Habería que aclarar, quizá, tamén, que os libros aparecen en diversos idiomas. Tal como son os propios libros das bibliotecas reais. Hai libros en galego, castelán, inglés, mesmo porei algún en chino, en árabe, en francés... porque eu vou pintando libros que van traéndome, libros que queremos todos ou que facemos entre todos e por iso hai variedade. Por outra banda, os libros que están en galego normalmente son os que eu decido.

Por outra parte, volvendo ao tema dos concursos, os premios en sí son o de menos. Aínda que se trate de libros ou cousas relacionadas coas bibliotecas. O importante nos concursos non é gañar, é xogar e divertirse. Se iso non se consegue, deixamos de facelos e en paz.

O vindeiro concurso será para os profesores e profesoras do centro. E como sempre, gañará quen atope primeiro o debuxo misterioso.

Aportes de hoxe (04-05-2009) e da semana pasada

2009-05-04T17:17:00.000+02:00

Tráiovos hoxe este resumo do que foi a actividade de Carmen Martín hoxe e na semana pasada, por desgraza non tiven moito tempo para subir as fotos.

Desta vez foron integrados no mural un libro con ilustracións de Hundertwasser, un gran artista austríaco do século XX, que ten moita pintura que parece marabillosa ilustración. Novos contos, un debuxo de José, de 4 anos e que vai con Cuca, novos cantos con frases estupendas enviadas unhas e escollidas por Carmen outras, novos contos como "El Gallo que no sabía cantar" do que falou Carmen hai pouco, o Soldadiño de Chumbo, prantas e escenas mariñas, medievais algunhas, fábulas...

Aquí o enlace da galería e unha presentación on-line a continuación:

Ver álbum

Consigue el tuyo

Os nenos de 5ºB

2009-05-04T12:31:00.000+02:00

Gracias, María (a profe) e amigos de 5ºB por escribir no blog, por traer libros, por debuxar, por ser...
COMERÍAVOS!

Mellor non, que quedaría sen vós!

Os nenos de Esther

2009-05-04T12:29:00.000+02:00

Os nenos de 4 anos, os de Esther, o outro día faláronme dun conto que a eles gústalles moito e agora que o teño aquí dígovos que é lindo, lindo case coma eles.

Chámase "El Gallo que no sabía cantar" e xa ten o seu sitio tamén na vosa Biblioteca Máxica.

Ai! cantos contos bonitos!

Día da Nai

2009-05-04T11:58:00.000+02:00

Que tal o Día da Nai?

Pregúntoo máis ben porque quería chulearme do meu regalo. Como xa sabedes que eu son nai, e gústanme moito os libros, tiven un regalo precioso.

É un libro titulado "Obras maestras de la iluminación. Los manusctitos más bellos del mundo desde el año 400 al 1600"

Xa outro día contáravos o que me gusta a ilustración medieval, que está, para o meu gusto, chea de tesouros. Creo que despois do que eles fixeron xa nada hai por facer.

Isto dígoo, claro, coa boca pequena, froito da miña admiración cara estas ilustracións antigas.

Novos aportes, 27-04-2009

2009-04-29T09:01:00.001+02:00

Hoxe veu á Biblioteca Máxica Sabela, de 5ºB e trouxo dous libros moi chulos que vos recomendamos:

Elmer, de David McKee, e
Toc-Toc, ¿quién es?, de Amanda Leslie

Por suposto que estas suxestións dos nenos estarán na Biblioteca Máxica porque son libros preciosos, son libros que escollen eles mesmos e porque os nenos son os máis animados en participar sempre. Así da gusto.

E moitos máis nenos participan. Sabela, o outro día tamén trouxo a "Historia de Cataventos e Cía", de Celia Díaz Núñez.

Cecilia trouxo uns libros simpatiquísimos, como ela, da colección de Gaturro, de Nik: sete libriños. Tamén trouxo outro libro, de Pernilla Stalfelt: "El libro de la Caca", que é moi instructivo.

Alicia, non a do País das Marabillas, pero unha que é semellante trouxo uns debuxiños feitos por ela, estilo manga, sobre sereas e vampiros.

Tamén Tania Romalde, de 5ºB trouxo un texto escrito por ela, verdadeiramente precioso.

Andrés, tamén de 5ºB... Canto participan estes nenos de 5ºB! Moitas grazas de novo.

Ben, pois como dicía, tamén Andrés prestoume un libro: a "Mortadelo y su Guía para la Vida del estudiante de hoy en día", de F. Ibáñez. Andrés, como outros nenos do cole, é un amante da lectura e tamén dos cómics. Algo digno de admiración.

E xa por último contarvos que xa collín -ben, en realidade colleumo Edgar (tamén de 5ºB) co seu carnet da biblioteca- o libro onde naceu Zongalo Quirico. Aquí o tedes: Teatro Feroz, de Gloria Sánchez. E eu penso que o galo da páxina 45 debe ser o pai de Zongalo. Vos que pensades?

E unha cousa mais. Que vos parece tamén que me digades citas que vos gustan para poñer nos cantos dos tantos e tantos libros que temos na Biblioteca Máxica?

Por suposto isto vai tanto para nenos como para maiores, profes, zongalos...

Aí vai unha:

"O que con moito traballo se adquire, máis se ama"

Aristóteles.

Aquí están as fotos de todos os traballos, e máis abaixo tendes unha presentación con elas:

Ver álbum

Consigue el tuyo

Máis Concursos da Biblioteca Máxica

2009-04-26T14:10:00.001+02:00

O primeiro concurso da Biblioteca Máxica gañouno unha nena. Moi probablemente, se os deixamos, os nenos serán sempre quen gañen os concursos, ninguén coñece mellor as personaxes dos libros infantís e as atopará tan rápido pintadas na parede.

De modo que para facilitar que os tres colectivos da comunidade escolar (nenos, profesores e pais) podan participar realmente imos facer que os concursos sexan cada vez dirixidos a un colectivo distinto.

Por iso, hoxe convócase o

SEGUNDO XOGO/CONCURSO
DA BIBLIOTECA MÁXICA
(só para nais e pais)

E a pregunta é...

Onde aparece a
Cynara Cardunculus?

Gañará quen descubra
antes a imaxe desta pranta.

Inés escribe neste blogue

2009-04-25T15:30:00.002+02:00

Inés Sixto (5ºB), gañadora do primeiro concurso da Biblioteca Máxica, fíxome chegar este traballo para que o publicara. Quen máis se anima?

Zongalo Quirico nunca déixase mostrar,

pois nesta ocasión eu, ese privilexio

non vos vou dar.

Agora que estades buscando cousas para a páxina web,

Zongalo Quirico as vai ter.

O Principito eu o estou a ler,

unha historia formidable,

non moi fácil de comprender.

Con Cariño e alegría

vos escribe Inés.

Bos días.

Novidades do xoves, 23-04-2009

2009-04-24T11:13:00.002+02:00

Ver álbum

Consigue el tuyo

Día do Libro no CEIP RECIMIL

2009-04-23T22:46:00.002+02:00

Hoxe, celebrouse o Día do Libro no noso cole "Recimil" (xa me afixen ao novo nome). Os rapaces e rapazas de cada aula escolleron un libro e representárono nunha cartolina con texto e ilustración. Todos eles, acompañados dos seus mestres/as, reuníronse no patio para compartir eses libros: informaron do título e autor e leron ou recitaron contos, cancións ou fragmentos dese libro. Todas esas cartolinas pegáronse en papel laranxa para ter un grande mural que estará exposto na parede exterior da actual biblioteca.

Estou encantado de ver que vos gustan os libros tanto como me gustan a min.

Entrega do Premio da Biblioteca Máxica!

2009-04-23T21:36:00.004+02:00

Hoxe, Carmen Martín fixo entrega do premio á Inés (5º B) como gañadora do 1º concurso da Biblioteca Máxica. E como podedes comprobar nas fotos, recibiu como agasallo un libro. Canto me gustan os libros!

Novos aportes, 22-04-2009

2009-04-23T10:50:00.001+02:00

Hoxe tráiovos un totum revolutum de distintos aportes que aínda non puxera no blogue, por novos ou por vellos. Comezo:

O paxariño é dunha profe moi querida polos nenos e tamén por min,
chamada María. O "Lalo" ímolo inmortalizar na Biblioteca Máxica.

As baleas, en realidade son un regalo que me fixeron os nenos de Cuca un día moi especial para min, e como sempre Cuca e os seus nenos tan, pero que tan doces e cariñosos comigo en todo... A que son preciosas? E viñan co seu océano particular, téñoas en casa no baño para que estean preto da auga, como elas queren.

O texto é de Belén, de 5ºB, e o dragón de Óscar, tamén de 5ºB

Os debuxos dos ananos, de Edgar, do mesmo grupo. Como son moitos seguramente só poderei poñer algún deles. En realidade xa estaban feitos con anterioridade -non eran para a Biblioteca Máxica- pero como Edgar é tan traballador, algo poñeremos.

De A Biblioteca Máxica, 2009_04_23

Ver álbum

Consigue el tuyo

Visita de Ánxela Loureiro

2009-04-22T21:26:00.003+02:00

Os meus parabéns para Inés, a gañadora do 1º concurso da Biblioteca Máxica.
E na actual biblioteca, atopei as fotos da visita de Ánxela Loureiro. E parece que foi moi divertido!! Gustaríame recibir os vosos comentarios sobre a visita. Quen se anima?
Estas son as fotos:

Xa sabemos quen durmía na Biblioteca Máxica

2009-04-22T20:16:00.001+02:00

Xa hai unha gañadora para o primeiro concurso da Biblioteca Máxica. Inés Sixto, de 5º B adiviñou quen durmía na Biblioteca. Mañá, ás 11,30 da mañá, no recreo, recibirá de mans de Carmen Martín o premio do concurso, que por suposto é de arte, e é un libro.

Tendo en conta que estamos na celebración do día do libro, e o propio tema da Biblioteca Máxica, non cabía outro agasallo mellor.

Non vos desanimedes por non gañar esta vez. Haberá moitas máis ocasións! Estade atentos a este blogue de Zongalo Quirico!

Un grande saúdo a Ánxela Loureiro, que hoxe veu polo cole para falar de que Ota quere voar.

Ota quere voar

2009-04-20T21:25:00.010+02:00

Este é o título dun libro que os alumnos/as de 3º están a ler.
O próximo mércores 22 de abril, contaremos coa visita da súa autora, Ánxela Loureiro.
E os nenos/as de 3ºB fixeron uns debuxos da protagonista da historia, que a súa titora me deixou na biblioteca e que agora podedes ver neste blog.
Espero que vos gusten tanto como me gustaron a min ... e que vos animedes a deixarme os vosos traballos.
Por certo, cal será a resposta á pregunta que nos propoñen desde a Biblioteca Máxica? Non sei, non sei...

Unha grande aperta de Zongalo Quirico.

E se as queres ver unha a unha:

Comezan os CONCURSOS da Biblioteca Máxica!

2009-04-17T19:40:00.001+02:00

Aproveito, antes de comezar, para contarvos que está xenial pintar no mural durante as horas do cole porque como previramos, os que me ven pintando sobre a andaimada día tras día implícanse moitísimo máis. E os nenos máis que ninguén. Estimúlame coñecer aos que observan o mural e cambia o modo de traballar. Aínda que quizá é unha manía mía, afeita ao contacto coa xente cando fago o de Pintura en Acción...

En fin, pero vou xa ao asunto. Por favor, redobre de tambores!

Convócase un
CONCURSO
para todo o mundo: nenos, profes, pais...
para toda a xente que pasa por diante do mural.

É moi sinxelo. Se atopas o que che vou dicir no mural,
gañarás un premio, que xa diremos. Aí vai a pregunta:

Quen dorme dentro da biblioteca?

Se pensas que acertaches, ven até a Biblioteca Máxica
e dime onde o viches.
Ou se prefires, cóntamo por correo electrónico
neste enderezo.

Pinturas de hoxe, 17-04-2009

2009-04-17T18:04:00.001+02:00

Nesta presentación de fotos pode verse algo do proceso, é unha especie de pequeno Making of.

Ver álbum

Consigue el tuyo

Para ir ao album web clica aquí.

Nova Edición, Corrixida e Aumentada

2009-04-16T15:57:00.001+02:00

Nas bibliotecas atópanse por veces libros, antigos ou novos, cuxa portada amosa, con orgullo, esta lenda:

"Nova Edición, Corrixida e Aumentada..."

Na pintura tamén é práctica habitual cambiar cousas, eliminar elementos, que mesmo sendo belos, non harmonizan co conxunto. É un grado máis alá dos famosos pentimenti (arrepentimentos) dos artistas, nos que un brazo, unha póla, cambia de lugar para que o cadro final sexa máis perfecto.

Na "Biblioteca Máxica" xa temos isto. Carmen Martín pintou, antes das vacacións, un libro, do que salía unha póla de maceira. Quedáralle moi ben, na miña opinión. Pero a artista estimou que esa póla atraía de máis a atención, que desfacía a impresión de conxunto, e sacrificouna polo ben de todos. Agora xaz baixo unha capa de pintura sobre a que pintou varios libros. Nestes días pintará de novo sobre eses libros, e por suposto poremos aquí o resultado.

Volta ao Cole

2009-04-14T00:53:00.001+02:00

Xa só queda un día para regresar ao cole a pintar.

Eu xa fixen as miñas tarefas das vacacións e agora espero pintar todo no mural moi axiña.

Ilustrar contos de un non ten nada que ver con ilustrar contos de outros, pero está ben facer ambas cousas.

Eu sei o que quero ilustrar nos meus contos e iso facilita moito, ademais cando escribo un conto moitas veces os debuxos van primeiro que o conto.

Pero se ilustro contos de outros, maiores ou nenos, teño que facer miña a historia, querela, aprehendela e iso sérveme para coñecer outros puntos de vista, aínda que no principio custe un pouco, segundo os casos, logo quédase un moi enriquecido.

En fin, que marabilla!

Se vos interesa, antes do 20 de Abril hai un concurso de ilustración cuxo tema é O Circo. Eu tamén presentareime, ven agora a tempada dos concursos, de pintura rápida e dos outros, nos que participamos case todos os anos.

Se vos interesa escribide neste blogue, e se non tamén, que eu sacarei tempo para contestarvos, que un blogue sen comentarios é como unha biblioteca sen libros!

"Libros, camiños e días dan ao home sabiduría" (Proverbio árabe)

2009-04-13T18:44:00.002+02:00

O 23 de abril de 1616 morreron Miguel de Cervantes e William Shakespeare. E foi o 15 de novembro de 1995 cando a UNESCO decidiu promulgar esta data como o

DÍA INTERNACIONAL DO LIBRO E DO DEREITO DE AUTOR

Teño noticia de que o Equipo de Biblioteca está a desenvolver actividades alusivas a esta commemoración nas que todos/as estades invitados/as a participar. E, por suposto, o xoves día 23 haberá un acto conxunto para celebrar este importante día. Para os que sodes máis curiosos e queredes saber máis, recoméndovos que pasedes pola Biblioteca onde atoparedes na sección de consulta e coa sinatura: 9/GAT/his

"La historia del libro"

Ah! Xa me esquecía de comunicarvos que, tamén a próxima semana, os/as que estades no 2º ciclo recibiredes a visita da profesora e escritora ferrolá ÁNXELA LOUREIRO.
Invítovos a que me fagades chegar as vosas opinións sobre os libros que estades lendo desta autora. Só tedes que entregar os vosos comentarios (ou debuxos) ao voso/a titor/a, e eu encargareime de que sexan publicados.

A Maxia da Pintura

2009-04-07T18:35:00.001+02:00

Esta "Biblioteca Máxica" é máxica de verdade. Os meus fillos falan todo o día dela:

-"Mamá, isto podías metelo na Biblioteca Máxica!".

-"mamá, mira que lindo debuxo para a Biblioteca Máxica!"

Que ben e que bonito que os nenos encontren cousas preciosas e interesantes para pintar na parede, que xa non é unha parede pola maxia da pintura.

Tamén outros nenos, mesmo nenos que non pintan habitualmente, encontran cousas para a Biblioteca Máxica.

Estou feliz, non é para menos!

E aínda que non poda estes días de vacacións estar sobre o andamio, teño moito traballo. Que mágoa (sería no mundo ao revés)!

Estou ilustrando contos novos que lin, algúns coñecidos como o de Ricitos de Oro y los tres osos, Xoán e as xudías máxicas e outros como a Princesa e os sete zapatos ou a princesa ra, que son contos populares pero en Sudamérica. Tamén ilustrarei contos que me deron os compañeiros de Rosalía, a miña filla, que vai en 5º, e non están ilustrados. Claro que conto coa colaboración de "Súper-Rosalía" que vai ilustrar o conto de Sabela e logo xa veremos...

Non vos cortedes e mandádenos colaboracións ou polo menos un saudiño para que saibamos que estades aí. Porfi. Precisamos saber que estades aí, e saber a vosa opinión. Escribide ou debuxade ou algo...

Panorámica do mural

2009-04-06T14:37:00.001+02:00

Comezan as vacacións da Semana Santa católica, festivas tamén no calendario escolar, e que en Ferrol engaden o luns posterior, xa que é a Romaría de Chamorro. Nestes días, pois, descansarei -forzosamente- do traballo no mural. Así que é o momento de facer unha visión de conxunto, e para iso o meu marido, Anxo Varela, preparoume esta panorámica do que xa está pintado. Se pulsades nela ou aqui mesmo podedes ver -e descarregar- a imaxe agrandada,
ou moito máis agrandada ainda (tarda máis).

Novos aportes, 03-04-09

2009-04-06T13:46:00.001+02:00

Cada vez máis nenos e nenas anímanse a participar, aportando contos, debuxos, ideas...

Estes son os novos aportes recollidos nos dous últimos días antes de Semana Santa. Para agrandalos, facede "clic" sobre os debuxos.

Quimera, de Rosalía (5ºB)

Conto sobre unha orfa, de Karla (5ºB):

Os dous canciños nas tazas de café, conto e debuxo de Candela, 5ºA

Sol que saúda, de Salma, 3ºB

Debuxos de José (4 anos, clase de Cuca):
1 - Fauna da era Paleozoica,

2 - Allosaurus e oviraptor cun saurópodo, e

3 - Robots mariños

A Biblioteca Máxica, 01-04-2009

2009-04-01T18:34:00.001+02:00

Hoxe recibín unha morea de contos novos, como podedes ver aquí. Tamén, Clara Amor, de 5ºA, tróuxome uns debuxos chulísimos de curuxas, que eu lle encargara para acompañar aos libros de Harry Potter e maxia, nos que ela é unha especialista.

Xa a teño case rematada. Aquí vos deixo unhas fotos nunha presentación (só hai que darlle ao play, no triángulo branco). Para ver as fotos e os contos con máis detalle podedes clicar na foto pequena de abaixo de todo.

A Biblioteca Máxica, 01-04-2009

A Biblioteca Máxica, 31-03-2009

2009-04-01T12:48:00.000+02:00

Hoxe moitos nenos pasaron pola Biblioteca Máxica.

Os mais pequerrechos andan a facer un conto precioso que Cuca retoca con Photoshop e é tan lindo que non sei se pintalo na parede da Biblioteca ou comelo.

No recreo moitos nenos de 5º foron facerme unha visita, como de costume, e dixéronme que xa teñen moitos contos feitos.

Cecilia e Marcos xa me deron dous contos pero sen ilustrar así que si queredes podedes ilustralo vós para non ter que facelo eu... e que como non me gusta nada debuxar!...

En fin, está moi ben traballar rodeada de libros, pinturas e nenos.

A propósito, onte chegaron dous nenos novos, de Marrocos, ao cole. Un chámase Ibrahim e está na clase de Cuca. O seu irmán vai a 4º de primaria. Hoxe chegou tamén outro neno novo, que se chama Zacarías e tamén está en 4º de primaria.

Benvidos!

Zoraida, a orientadora do cole, estaba hoxe ensinándolle o cole a Zacarías. Dá gustiño ver cando xente coma ela, tratan con tanto cariño aos nenos.

Estes son os contos de Cecilia e Marcos:

As Espías Barrendeiras contra o Lobo Feroz

Érase unha vez, nas Vegas, no ano 2009, unhas espías barrendeiras chamadas Brancaneves e Carapuchiña.

Enteráronse que os sete enaniños secuestraron a avoíña para o Lobo Feroz.

Brancaneves e Carapuchiña colleron as cousas de espías e marcharon en busca da avoíña. Sabían que sería unha misión arriscada.

Entraron na mansión do lobo feroz, pasaron os controis de seguridade e chegaron á sala onde estaba o lobo.

Xusto antes de entrar, apareceron os sete ananiños. Carapuchiña e Brancaneves, tras unha inmensa loita, venceron ao lobo e rescataron á avoíña.

Marcos, 5º B

---ooOoo---

Alicia no país das ¡loucuras!

Esta era unha señora maior, mellor dito, bastante vella e tamén tola, estaba rematadamente tola, e aínda encima, dicía que se chamaba "Alicia no país das marabillas". Ela non se conformaba con ser nin Alicia nin Xoana, que va! E por iso a xente chamábaa "Alicia no país das loucuras". Todo comezou un día cando viu a película de Alicia no país das marabillas e, como ela tiña uns gustos moi parecidos á señora tola da pementa... Decidiu chamarse así, porque a ela tamén lle gustaba botar pementa pola casa. Pero ela non tiña un bebé de verdade, se non que o seu era de plástico. Unha das súas loucuras mais grande foi... Unha vez, pola noite, entrou nos grandes almacéns e... a que non sabedes o que fixo! Nos ventiladores de aspas, por encima das aspas comezou a botar e botar pementa, pementa e máis pementa en pó, para que , ao días seguinte, ao abrir os almacéns, cando os ventiladores comezaran a funcionar a pementa caería e entraría a pementa nos fouciños da xente e comezarían a esbirrar todos os clientes e empregados e así xa non lle gustarían a ninguén eses almacéns.

Cecilia Ramil López, 5ºB

Veña, animádevos a participar!

A Biblioteca Máxica, 27-03-2009

2009-03-30T10:44:00.002+02:00

Estes son os novos engadidos ao mural:

Vai indo o conto...

2009-03-25T03:33:00.003+01:00

É moi bonito este traballo dentro do cole.

Traballar rodeada de xente, que fai as súas cousas, pero ao mesmo tempo poder estar aillada traballando, encántame. Oílos e sentir que son diferentes as súas maneiras, os seus ires e vires, faite notar máis forte a importancia dalgunhas cousas. E tamén o paso do tempo, como ocupamos os humanos os días, como aprendemos pouco a pouco e sen percibilo.

Hoxe pintei ao señor barbudo, unha ilustración do século XVIII e que realmente é tan moderna que parece mentira. Na súa barba anidaron unhas aves e el parece que quere quitalos de enriba. É misteriosa.

Cada día, ademais de ilustrar libros con moito detalle teño que preparar outros para futuros días, ou preparar fondos e hai tanto que poder facer, e tan sabroso, que non deixo de sentirme leda e que estou facendo todo o que mellor podía facer, porque mellor xa non se pode sentir unha.

Tamén empecei o conto do "coelliño branco" de Kalandraka, unha versión en branco e negro da carapuchiña vermella, pero con algo de terror. A balea xa ten ollo e casi un pode nadar...

Biblioteca Máxica, 25-03-2009

A "Biblioteca Máxica" no Diario de Ferrol, 21-03-2009

2009-03-21T17:31:00.002+01:00

FOMENTAR LA LECTURA

Una biblioteca mágica en el colegio Ibáñez Martín

Carmen Martín plasmó sus primeros dibujos en el mural a lo largo de esta semana

REPORTAJE DE MARTA QUINTEIRO

La pintora ferrolana Carmen Martín se ofreció hace unos meses a la dirección del centro para elaborar un mural en su biblioteca. Esta semana, el proyecto se ha convertido en realidad, y la artista ya ha plasmado sus primeros dibujos en el colegio de Recimil.

Trabajar por amor al arte no es, en la actualidad, una práctica muy extendida entre los ciudadanos, y menos en tiempos de crisis. Pero para la pintora Carmen Martín el hecho de pintar de balde tiene mucho que ver con su manera de desempeñar su oficio, ya que considera que salir del taller y que la gente vea cómo pinta tiene una connotación reinvindicativa. “Es mi forma de demostrar que los pintores que utilizamos el pincel también podemos ser contemporáneos y seguimos trabajando, aunque no seamos artistas conceptuales ni expongamos en los mejores espacios”, aseguró.

Partiendo de esta idea, la pintora ferrolana se ofreció hace unos meses al CEIP Ibáñez Martín para elaborar un mural que rodeara la futura entrada de la nueva biblioteca -ya que el centro pretendía cambiar la ubicación de la actual- y sin cobrar por ello, ya que tan sólo solicitó al colegio que le financiaran el material necesario, como pueden ser las pinturas y los pinceles. Tras varias conversaciones con el equipo directivo, el proyecto fue aprobado en el Consello Escolar a finales de 2008 y en el mes de diciembre Carmen comenzó a preparar los bocetos que esta semana empezó a plasmar sobre la pared del colegio de Recimil.

El mural, que ocupará una superficie de unos 45 metros cuadrados, representará una gran estantería llena de libros en la que la artista dará vida a cuentos y a libros de texto de las diversas materias integradas en el currículum escolar. Además, en la obra de Carmen Martín también tendrán cabida las fiestas populares que se celebran en el colegio a lo largo del curso, como el Entroido, el Magosto o la Navidad, y todo aquello que cualquier profesor, padre o alumno desee aportar. “Es una ilustración gigante en la que cuanta más gente participe, mejor”, aseguró la pintora. Así, por ejemplo, esta semana decidió incluir en el mural el cuento de “Los tres ositos”, ya que los docentes lo consideraron conveniente, al ser una historia muy utilizada en las aulas de los más pequeños para explicar los tamaños.

La mayoría de los libros dibujados aparecerán abiertos y muchos de ellos lo harán volando por el mural; otros subirán por la escalera y de algunos saldrán los protagonistas del cuento.

El objetivo no es otro que el fomento de la lectura entre los niños y animarlos a visitar la biblioteca del centro más a menudo. De ahí también que se haya decidido denominar a la nueva sala de estudio la “Biblioteca Máxica”, un nombre sugerente y que, tal y como pensaban, funciona, ya que los niños lo retienen con facilidad.