Tomy, o golfiño (ABM)

Elena García Urbano, de 4ºA, envía este conto feito por ela para A Biblioteca Máxica. Moitísimas grazas.

Proposta de Fina Nebril, mestra de 2º (ABM)

Fina, animoume moito a túa carta, e máis aínda porque non estaba certa de que os profesores fixesen súa esta iniciativa tan axiña.

O que propós paréceme moi interesante e quero que saibas que por suposto que a terei en conta, xa que a Biblioteca Máxica é un lugar no que ler o que a todos os do colexio nos gusta: nenos, profes e pais. Como ben dis, quere ser un proxecto conxunto do centro.

Nesta semana xa comezarei a pintar cousas máis concretas. O contido do mural xa está moi madurado, sobre todo a distribución dos libros pintados.

Na escaleira irán ademais dos libros sobre arte outras moitas cousas. Este é, resumindo, o plan reitor do proxecto:

Muro da Biblioteca (1ª fase):

• Contos populares, infantís, xuvenís...
• Coñecemento do medio

Escaleira (2ª fase):

• Matemáticas
• Idiomas (galego, español, inglés, francés...)
• Música
• Ximnasia (deportes)
• Arte (arquitectura, pintura, escultura...)

A túa proposta é chulísima e o que pensei foi meter unha personaxe (talvez o "coelliño branco" ou un "rato de biblioteca") que vaia saltando de actividade en actividade das que ti propuxeches:

• o Magosto
• o Samaín
  
• o Nadal
• o Entroido
• a Primavera,
  
• etc...

E así tamén os nenos poden "xogar" a ir buscando no medio dos libros esa personaxe que representa a celebración popular de cada tempada. Que che parece?

De novo quero darte as grazas, Fina, por facer unha proposta tan túa, e tamén tan interesante e chea de ilusión. Isto vaise animando...

Mural da Biblioteca: Contos con Arte

Este é un xogo que vos propoño para facer nas clases. Chámase "Contos con Arte" e poderá participar todo o colexio. Ao final, os traballos serán representados na "Biblioteca Máxica".

Mecánica do xogo:

Eu propóñovos unha obra de arte para cada curso, correspondente a un período histórico diferente.

A idea é que participen todos os cursos, desde os nenos de 3 anos ata os de 6º de primaria. Como? Moi sinxelo: inspirándose nas imaxes, os nenos e nenas inventarán unha historia, a que lles suxira a obra de arte que lle toque ao seu curso.

Os mestres e mestras terán todo o curso para planificar os exercicios e organizar o concurso. Os 9 contos seleccionados (un por cada curso) serán plasmados na parede na segunda fase do mural, que será abordada no verán, durante as vacacións.

As historias dos contos inspiraranse nas imaxes, pero moi libremente. Cos máis pequenos, loxicamente, as historias non levarán textos. O número de páxinas poderá ser libre, pero no mural só constarán, como moito, catro páxinas, para facer posíbel a lectura desde lonxe.

Estas son as obras de arte correspondentes a cada curso:

3 anos – Prehistoria. Bisontes de Altamira


4 anos – Idade Antiga. Pintura exipcia: pintura mural da tumba de Nebamon


pulsa na foto pequena para ampliar):
5 anos – Idade Media. Giotto: San Francisco de Asís predicando aos paxaros


1º primaria – Renacemento. Quinten Massys: A Duquesa Fea


2º primaria – Barroco. Caravaggio: A Medusa


3º primaria – Neoclasicismo. Goya: Caprichos, no. 38: Brabisimo!


4º primaria – Século XIX. Mary Cassatt: Vacacións de verán


5º primaria – Século XX. Picasso: Acróbata con balón


6º primaria - Arte actual. Freud: Autorretrato (Reflexo con dous nenos)

Primeira pintura no mural

Xa comezamos os traballos do mural. O primeiro foi tapar con papeis o zócalo, protexer o chan con plásticos, etc, e dar pintura branca sobre o pladur e a escaiola do muro. Aquí estamos Carmen e máis eu facendo de pintores de brocha gorda.

O luns Carmen xa comezará a facer veladuras de pátinas de cores, que serverán de base para o mural en si.

Animádevos a participar enviando contos para engadir á composición!

Conta atrás

Onte Carmen foi mercar os primeiros materiais.

Todo a punto

Os muros xa están preparados para comezar o mural. Así que esta semana Carmen Martín xa encargará a pintura e poderase comezar o traballo.

A Biblioteca Máxica - Primeiras aportacións

O proxecto da Biblioteca Máxica está en marcha. E non só porque tanto o colexio como a artista Carmen Martín principien o traballo, senón porque xa hai nenos que comezan a animarse a facer contos e ilustracións! Aquí tedes as primeiras aportacións dos nenos:

José, 4 anos. Ed. Infantil, amante do mundo submarino. Traenos dous debuxos, feitos na aula, cos animais mariños de hai millóns de anos (antes de que existiramos os seres humanos) e o mar actual:


Rosalía, 10 anos. 5º B. A nena dos gatos. Preséntanos un conto titulado "O meu hamster rodeado de gatos", sobre os animais que ela ten.


E aquí temos un conto de Alicia, 10 anos. 5º B, que realmente si parece Alicia no país das Marabillas, por este marabilloso conto do seu mundo e o das súas amigas.