Rubicundo

Con motivo da celebración das Letras Galegas, o alumnado de 3º de EP, asistimos ao Teatro Jofre convidados polo Concello de Ferrol  a ver una representación teatral de “Rubicundo”, novela escrita por María Canosa e finalista premio Merlín de Literatura Infantil 2014.

Trata das peripecias dunha nena chamada Erea, que salta polas noites da cama cando sente o renxer dunha bicicleta na que sae o seu enigmático veciño Rubicundo, co seu traxe e sombreiro de copa, para desempeñar o seu insólito oficio: cosedor de ventos. 

Resultounos moi divertida, e ao remate da representación puidemos falar cos personaxes e  retratarnos con eles!!!!!

 Premer na imaxe para vela a tamaño orixinal

Novidades maio

Presentamos novos libros na biblioteca para idades de 6, 8, 10 e 12 anos de edebé:

- El fantasma de la escuela e La vaca Enriqueta esquía en Valcorneta para nenos/as de 6 anos.

- Viaje a Dragonia para 8 anos.


- La casa del Pánico e ¡Abracadabra,cuidado con mi cabra!  para 10 anos.
 
- Intriga en el castillo de Burton para máis de 12 anos. 

Gloria Fuertes

    Este ano 2017 conmemórase o centenario do nacemento de Gloria Fuertes (1.917-1.998), escritora madrileña que destacou pola súa produción poética infantil e xuvenil.

    No Día do Libro colocouse no corredor da biblioteca unha exposición con obras desta autora nunha mesa e con poesías na parede.

Na nosa biblioteca contamos cos seguintes títulos que vos recomendamos:

- El Gran Libro de los Animales

- Profesiones de ayer y de hoy

- Las adivinanzas de Gloria Fuertes

- Los buenos salvajes

- ¡Qué patas tiene el tiempo!

- Las preguntas y respuestas de Gloria

Día do Libro (2017)

  O día 21 de Abril celebramos o Día do Libro cunhas lecturas de poesías de Gloria Fuertes que alumnado de 6º de Primaria levou a cabo nas aulas durante a Hora de Ler. 

Premer na seguinte imaxe para ver as fotos publicadas na galería da páxina web.

 

Entrega de carnés e marcadores - 5ºEI

Xa temos novos lectores na biblioteca!
Zongalo Quirico dalles a benvida aos nenos e nenas de 4 anos, xa que desde o mes de marzo contan co seu carné da biblioteca e tamén co correspondente marcador.
 

Premer na imaxe para vela no seu tamaño orixinal.

Visita da escritora María Reimóndez

Durante o 2º trimestre o alumnado de 3º e 4ºde EP estivemos a ler na aula o libro  "Lía e as zapatillas de deporte", unha novela que convida a reflexionar sobre a nosa responsabilidade en colaborar para facer un mundo máis xusto.  
E o 30 de marzo visitounos a súa autora, a escritora galega MARÍA REIMÓNDEZ. Recibímola na biblioteca, falounos da súa obra e da súa experiencia como activista na India. Tamén nos asinou os libros. 
Premer na seguinte imaxe para ver todas as fotos publicadas na galería da web do cole.

Zongalo Quirico recoméndanos....

      El gran viaje de la BUSQUET  con ilustracións nas que descubrirás como se vive en moitas partes dos cinco continentes.

    Atlas de los Records, o atlas máis  asombroso, incrible e delirante con ilustracións moi divertidas.