Mural da Biblioteca: Contos con Arte

Este é un xogo que vos propoño para facer nas clases. Chámase "Contos con Arte" e poderá participar todo o colexio. Ao final, os traballos serán representados na "Biblioteca Máxica".

Mecánica do xogo:

Eu propóñovos unha obra de arte para cada curso, correspondente a un período histórico diferente.

A idea é que participen todos os cursos, desde os nenos de 3 anos ata os de 6º de primaria. Como? Moi sinxelo: inspirándose nas imaxes, os nenos e nenas inventarán unha historia, a que lles suxira a obra de arte que lle toque ao seu curso.

Os mestres e mestras terán todo o curso para planificar os exercicios e organizar o concurso. Os 9 contos seleccionados (un por cada curso) serán plasmados na parede na segunda fase do mural, que será abordada no verán, durante as vacacións.

As historias dos contos inspiraranse nas imaxes, pero moi libremente. Cos máis pequenos, loxicamente, as historias non levarán textos. O número de páxinas poderá ser libre, pero no mural só constarán, como moito, catro páxinas, para facer posíbel a lectura desde lonxe.

Estas son as obras de arte correspondentes a cada curso:

3 anos – Prehistoria. Bisontes de Altamira


4 anos – Idade Antiga. Pintura exipcia: pintura mural da tumba de Nebamon


pulsa na foto pequena para ampliar):
5 anos – Idade Media. Giotto: San Francisco de Asís predicando aos paxaros


1º primaria – Renacemento. Quinten Massys: A Duquesa Fea


2º primaria – Barroco. Caravaggio: A Medusa


3º primaria – Neoclasicismo. Goya: Caprichos, no. 38: Brabisimo!


4º primaria – Século XIX. Mary Cassatt: Vacacións de verán


5º primaria – Século XX. Picasso: Acróbata con balón


6º primaria - Arte actual. Freud: Autorretrato (Reflexo con dous nenos)

Primeira pintura no mural

Xa comezamos os traballos do mural. O primeiro foi tapar con papeis o zócalo, protexer o chan con plásticos, etc, e dar pintura branca sobre o pladur e a escaiola do muro. Aquí estamos Carmen e máis eu facendo de pintores de brocha gorda.

O luns Carmen xa comezará a facer veladuras de pátinas de cores, que serverán de base para o mural en si.

Animádevos a participar enviando contos para engadir á composición!

Conta atrás

Onte Carmen foi mercar os primeiros materiais.

Todo a punto

Os muros xa están preparados para comezar o mural. Así que esta semana Carmen Martín xa encargará a pintura e poderase comezar o traballo.

A Biblioteca Máxica - Primeiras aportacións

O proxecto da Biblioteca Máxica está en marcha. E non só porque tanto o colexio como a artista Carmen Martín principien o traballo, senón porque xa hai nenos que comezan a animarse a facer contos e ilustracións! Aquí tedes as primeiras aportacións dos nenos:

José, 4 anos. Ed. Infantil, amante do mundo submarino. Traenos dous debuxos, feitos na aula, cos animais mariños de hai millóns de anos (antes de que existiramos os seres humanos) e o mar actual:


Rosalía, 10 anos. 5º B. A nena dos gatos. Preséntanos un conto titulado "O meu hamster rodeado de gatos", sobre os animais que ela ten.


E aquí temos un conto de Alicia, 10 anos. 5º B, que realmente si parece Alicia no país das Marabillas, por este marabilloso conto do seu mundo e o das súas amigas.

Bailando bailando imos medrando

Teño noticia de que un grupo de dez profes do colexio Ibáñez Martín están a facer un grupo de traballo chamado: "Bailando bailando imos medrando". Como o seu nome indica, trata de danzas, pero cunha particularidade: son bailes de diferentes países do mundo, co cal están a traballar cos nenos e nenas a interculturalidade a través da historia de diferentes países (características, os seus costumes, traxes típicos etc.) Para isto, contan coa colaboración de Javier Jurado, coñecido profesor de música e especialista en danzas infantiles entre outras moitas manifestaciones musicais. Están a traballar todo isto nas aulas coa axuda do resto de profesorado do centro, e tamén aproveitarán para facer un festival de Entroido que se representará o día 20 de febreiro. As representacións son estas:

Educación Infantil: danzas de Francia e Servia
Educación Primaria:
1º: danza do "Zapateiro Danés",
2º: representará a Noruega, coa danza "Sete pasos"
3º: unha danza dos E.E.U.U
4º: unha danza alemana,
5º: baile do noso país veciño, Portugal
6º: unha preciosa danza israelí chamada "Ma Navu".

A Biblioteca Máxica

A que sería bonito pensar nunha biblioteca chea de libros para nenos e para non tan nenos, chea de vida?

A que estaría moi ben que os libros desa biblioteca non só estivesen nos seus estantes dentro desa biblioteca e puidesen escapar para os corredores, para as escaleiras do colexio para que todo o mundo os vise e así sentírense polos misterios alí agochados?

Pois iso é o que presentamos hoxe aquí neste blog. O nacemento dunha nova biblioteca, unha biblioteca máxica pola súa forma e polo seu contido.

Hai algo máis dun mes estaba eu ilustrando un conto para José, o meu fillo pequeno, cando me veu á mente todo este louco soño, que agora xa é un auténtico proxecto cargado de ideas, que en pouco tempo serán realidade.

Este blog, sincronizado co meu propio blog, irá narrando e mostrando todos e cada un dos soños que deixan de ser soños en canto están feitos.

O que sería estupendo é que non só fosen os meus soños, senón tamén os vosos, os de cada neno desta escola, os de cada profesor e os de todo o que queira colocar o seu libro na nosa nova biblioteca máxica.

Véñenme á cabeza miles de cousas que quixese debuxar nela.

Contos que falen da Natureza, contos que falen das nosas inquietudes, contos de todo tipo. Contos do pasado e do futuro.

É que esta biblioteca podería estar chea de cousas de todos nós. E estará en constante movemento, tanto se outros participan, coma se non.

Encantaríame contaxiarvos con toda a ilusión que eu levo dentro para facer a Biblioteca Máxica máis máxica do Universo máis máxico.

Neste blog podedes contactar connosco: comigo ou con Anxo, que é o que nada mellor e o que levará o peso das entradas sobre este traballo no blog. Tamén podedes deixar os vosos contos na Secretaría do centro ou preguntar por min alí mesmo.

Aínda que ata marzo non empezarei a pintar sobre as paredes, xa que primeiro tense que preparar, eu estou recompilando cousas que irán pintadas, contos meus, contos que lin...

Xa vos iremos contando.

Carmen Martín Serantes