luns, 21 de xuño de 2021

Recomendacións para o verán. 

Benqueridos alumnos e alumnas e demais membros da comunidade educativa, rematamos este curso tan atípico e diferente. Agora toca descansar e recargar as pilas, pero para que gocedes tamén dos libros e dos xogos en grupo, ollade as seguintes recomendacións! 






Boas lecturas. 
Zongalo Q. 

Que é un refuxiado?

Saberiades contestar a esta pregunta? Pois para que reflexionedes e aproveitando que o día 20 de xuño se celebrou o día internacional das persoas refuxiadas, deixámosvos este libro para que olledes.



Ningunha persoa elixe ser un refuxiado, nin deberíamos ser tan afortunados ou desafortunados por nacer nun lugar ou outro… Non o esquezades.

Un saúdo.

Zongalo Q.


venres, 11 de xuño de 2021

 Because there is no planet B.


É moi importante visibilizar esta celebración do pasado 5 de xuño sobre o medioambiente, porque a nosa obriga é coidar e respetar o noso planeta. É a única maneira de que todos os habitantes del poidamos gozar da Terra por milleiros de anos máis, e deixar un legado mellor do que nos atopamos.

 Diso entende ben, o cantautor galego Pakolas, que creou unha canción sobre a natureza no seu último libro-cd que adquirimos para a biblioteca. Premede no link para escoitar.

                                  

 Ademais, na biblioteca temos os seguintes fondos de novidades tanto de consulta como en álbum ilustrado que xa ollastes no expositor do corredor.

     







Cómo ben din os nosos nenos e nenas: "O mundo está nas nosas mans", non o esquezades. 

Saúdos. 
Zongalo Q. 

venres, 4 de xuño de 2021

Novidades de xuño.  

Chegamos ao último mes deste curso tan diferente, e aquí deixamos as novidades seleccionadas para este mes que xa podedes ollar no expositor do corredor de infantil. Non saberíamos cal elexir, e vós?



PD: Mañá e o día do medio ambiente, queredes saber máis?

Saúdos. 

Zongalo Quirico. 

venres, 28 de maio de 2021

Letras Galegas 2021: Xela Arias. 

  Estivemos tan axetreados ca semana das Letras Galegas que se nos olvidara subir as nosas creacións artísticas co retrato de Xela. Aquí van!




Quedan moi orixinais decorando os corredores do colexio. 

Un saúdo. 

Zongalo Quirico. 


xoves, 13 de maio de 2021

Letras Galegas 2021: Xela Arias.  

Xa nos falta menos para rematar esta semana e con ela chegar o gran día da celebración das nosas letras. Aínda nos quedan sorpresas por amosar, xa que polas aulas estades moi creativos. 

O noso agasallo de hoxe, é un poema recitado pola mestra de relixión, Carmen. Un bo poema para reflexionar sobre os extremos e sobre o que implica gañar ou perder... E vós? que pensades sobre isto? 

Poema xoves. (Recordade picar para escoitar)


Saúdos. 

Zongalo Quirico. 


mércores, 12 de maio de 2021

Letras Galegas 2021: Xela Arias

Bo mércores. Nesta semana das letras, amosámosvos como os nosos libros saen da biblioteca a encher outros recunchos. Este expositor contén algunha das obras da homenaxeada e está situado na entrada de Infantil e 1º e 2º de Primaria. Este curso os libros están en movemento constante.  


O poema de hoxe na voz do mestre de inglés Mr. David, é un dos máis musicalizados xa que "A banda da Loba" fixo a súa versión cun videoclip ben xeitoso, olladeo! Abaixo queda o audio do poema e a súa versión escrita. 



Un saúdo. 

Zongalo Quirico

martes, 11 de maio de 2021

Letras Galegas 2021: Xela Arias. 

Este segundo día, deixamos un novo poema, hoxe na voz da nosa mestra de inglés Ana. 

Desexamos que vos guste. Non esquezades premer para escoitar o audio. 

Poema martes. Xela Arias



Mañá teredes nova sorpresa. 
Zongalo Quirico. 


luns, 10 de maio de 2021

 Letras Galegas 2021: Xela Arias. 

Comezamos a semana das Letras Galegas, para conmemorar o acontecemento que terá lugar o 17 de maio. Este ano a homenaxeada é a escritora Xela Arias. Ao longo desta semana o equipo de Dinamización da Lingua Galega e o equipo de Biblioteca, colaboramos estreitamente para festexar as nosas letras como se merecen. Imos aló!

Para comezar o luns con bo pé, sorprenderemos lendo ao noso alumnado os mestres e mestras do colexio, e parte do persoal co que traballamos. Esta versión dun poema do libro "Darío a Diario" corre a cargo da nosa coidadora Luz. 

Poema luns. (Picar e escoitar audio)


Tamén deixamos un Genial.ly cos datos máis relevantes da súa vida e obra, porque a través deste xogo descubriredes información que seguro descoñecíades dela. 


Estade atentos a entrada de mañá!  Zongalo Quirico. 



luns, 3 de maio de 2021

 Visita a biblioteca das nenas e nenos de 4º/5º de Educación Infantil.

A semana pasada, aproveitamos para levar os nenos e nenas de tres e catro anos a biblioteca. Alí, contamos o conto de "Paxaro Amarelo" e gozaron dun libro no novo rincón de lectura. 

Tamén comprobaron que a biblioteca é un espazo do centro cun sinfín de posibilidades, xa que descubriron a zona de xogos habilitada neste curso. 

Canto nos gustan estas visitas!






Apertas. 

Zongalo Quirico. 


venres, 23 de abril de 2021


Día do libro. 

 Boas, no día de hoxe reciclamos a seguinte cita, que para este curso pandémico vén como anel o dedo "Para viaxar lonxe, non hai mellor nave ca un libro" (Emily Dickinson). Con ela celebramos que grazas a lectura podemos imaxinar/descubrir/crear millóns de aventuras, personaxes, lugares... é dicir, viaxar sen movernos do sitio. 

No colexio, quixemos facer algo especial para homenaxealo, o noso propio libro de relatos breves, e contalo, para que todos e todas poidamos ver e escoitar as achegas de cada curso. 

O resultado final amosa que no noso centro hai moito talento. Achegamos mostras gráficas que o demostran. 


 Esperamos que sexa do voso agrado, e non esquezades que "Ler da soños", e soñar é moi importante. 

Tamén achegamos a aportación da residencia de maiores "Domus VI", que seguro vos emocionará. 


E para rematar, recordar que fora dos muros do colexio, os libros habitan entre nós, poderedes atopalos na biblioteca do concello, nas librarías... E este fin de semana na rúa, coa feira do libro. Onde ademais dos libros, estarán as escritoras e os escritores que lles dan vida, non perdades a oportunidade de coñecelas e coñecelos. 

Hoxe a entrada é longa, pero e que este día, é un dos meus preferidos. 

Saúdos. 

Zongalo Quirico. 

mércores, 7 de abril de 2021

Recta final: 


 O segundo trimestre estivemos ausentes no blogue, xa que a biblio precisaba da nosa atención (organización, limpeza...)
 Pero despois de recargar as pilas, xa recibimos as revistas do mes de abril. 
 ATENTOS! Veñen cargadiñas de artigos ben interesantes. Non deixedes de pedilas dende as aulas. 

Caracola:

Reportero DOC.

 Un saúdo. 
 Zongalo Quirico.